曼联中场 米希达利恩
next 1/1 pre红魔队长 朗尼
next 1/1 pre今晚欧霸分组赛终于煞科，英超「红魔鬼」曼联喺A组作客索尔亚。形势上红魔今仗和波就肯定晋级，不过佢哋近年喺欧洲赛例做客场「软脚蟹」，唔好话赢，就算打和都唔係想像中咁易，今仗会稳阵行先，而索尔亚今届5仗分组赛皆开半场和，两军初段斗玩拉布之下，度士认为2.4倍嘅半场和值得再追。
（Now 670及Fox Sports Play周五凌晨2时直播）
睇番A组形势，费伦巴治现以10分位列榜首，「2哥」嘅曼联亦有9分，领先第3位嘅飞燕诺2分，就算飞燕诺今轮主场击败费伦巴治，只要曼联今仗赛和已经提早「毕业」嘅乌克兰球队索尔亚，3队同得10分嘅情况下，红魔亦可凭较佳对赛成绩，获得首名出线资格。不过曼联近年于欧洲赛变咗作客「软脚蟹」，连欧联及欧霸在内，近7次欧洲赛作客居然只录得1和6负，输波率高达85.7%，上届欧霸就试过输畀「二打六」丹麦球队米迪兰特，今届2场客场对飞燕诺同费伦巴治亦都输晒，只因返主场大胜呢两队才在对赛成绩佔优，既然今仗打和即出线，为免有乜差池，造访索尔亚唔会贸然进攻。
乌克兰球队索尔亚虽然係呢组包尾大幡，但防守尚算硬净，今届5场分组赛只失6球，而且全部开出半场和，当中4仗半场开0比0，证明佢哋擅玩拉布，适逢曼联以唔输为大前提，初段好大机会大放闷蛋，半场和不妨追多铺。
同时间举行嘅A组另1场生死战，飞燕诺主场对费伦巴治，由于飞燕诺落后曼联及费伦巴治2分及3分，若果想出线今仗许胜不许和，必定豁出去。呢支荷甲「1哥」近4仗轰入12球，每仗总入球皆达3球或以上，火力强劲，费伦巴治输波亦有机会出局，若然一个唔好彩先失波嘅话，佢哋唔会坐以待毙，随时合演入球骚，2.5球嘅大盘乃不二之选。
（Now Fox Sports Play周五凌晨2时直播）
