荷蘭讓多博唔過

吊緊“鹽水”嘅荷蘭明晨將踢埋最後一場分組賽，食粥食飯唔係靠自己贏波，而係求另一場土耳其被“冰”封，先有機會絕地重生；當然，今仗必須擊敗捷克先有數講。今場唔單止博最後希望，亦要為報首循環一敗之仇，自己地頭確要踢場爭氣波。

已穩奪決賽周入場券嘅捷克話之你博唔博，一於照踢風流波，毫無壓力下可以盡情發揮；不過，上仗部分副選上陣輸畀土耳其，似乎有心想搞死“橙衫軍”，今仗未必會放軟手腳。初盤荷蘭讓一球／球半，狀態不足嘅荷蘭要贏兩球未必容易，可考慮捷克輸波贏盤。

荷蘭上仗對住魚腩一族嘅哈薩克的確贏得相當牽強，睇返全場統計，並非佔得太多優勢，部分球員依然未能發揮出應有水準，進攻欠缺銳利，防守穩健不足，整體表現欠流暢，可能正處於生死邊緣，壓力令球員踢唔出水準，今戰主場埋尾一戰，望能全隊交出功課。

捷克屬於一支體力化兼硬朗形球隊，如果踢出拼勁，荷蘭要贏都難，只係睇捷克比賽心態如何？

推介：荷蘭1:0