意大利食“塞”咁食

歐國盃外圍賽H組，意大利、挪威及克羅地亞分途出擊爭兩個直接出線席位。

決賽周常客意大利將出征阿塞拜疆，再贏一仗便有機會提早出線，決心十足。阿塞拜疆雖有主場之利，但實力與“藍軍”有一定差距，加上意大利分組賽八戰未嘗一敗，士氣高昂，鬥心十足，阿塞拜疆今晚想贏認真困難。

榜首的意大利兩分領先挪威，只要今場贏波而克羅地亞未能全取三分，藍軍即可以提早出線決賽周。意大利在外圍賽仍未輸過，攻守兼備，前有派利及簡特利華，後有保方守住大門，八仗僅入六球的主隊勢難威脅意軍大門。派利近期腳風不俗，上仗亦助意大利一箭定江山，加上艾沙拉維、華拉迪、派路等人支援，贏面高漲。僅一勝的阿塞拜疆出線無望，戰意有限，前三次與意大利交手全敗，雙方實力差距明顯，縱有主場亦難阻意軍搶分。

意大利贏面大，但前鋒艾沙拉維提醒隊友不容有失：“我們不可以輕視任何對手。只要再贏一仗，我們便有機會提早出線。所以絕對不容有失，必須做足準備，踢出最好表現，為提前出線而戰。”

挪威克國爭餐死

次席的挪威主場戰馬耳他。客軍小組賽兩和六負未開齋，八仗失十三球的防守表現，難與挪威一爭長短，挪威可望贏波至少保次席。少挪威一分的克羅地亞主場迎戰保加利亞必須要贏，雖已攻入十六球，但文迪蘇傑缺陣，影響火力，迎戰保加利亞可勝不穩。