蝙蝠軍誓破“格”

    華倫西亞在西甲中都屬於勁旅級，季初歐冠盃亦淘汰法甲強隊摩納哥殺入分組賽。可惜聯賽就差強人意，五戰祇得一勝三和一負，戰績未如理想，且五場對手並非太強，球隊狀態明顯未達應有水平。明晨對住開季更差嘅格蘭納達，“蝙蝠軍”必須重拾勝果，為下周中歐冠盃提升士氣。

    至於格蘭納達已經遭遇三連敗，上仗主場更慘呑皇家蘇斯達三蛋，防守脆弱到不得了，今場踢作客恐怕凶多吉少。初盤華倫西亞讓一球／球半，捧“蝙蝠軍”及時反彈贏波贏盤。

    華倫西亞前線火力實際唔差，艾卡沙、洛迪高、巴利祖及菲治侯利上季表現可圈可點。惜今季仍未踢出殺手本色，五場聯賽僅入兩球，似乎仲未進入作戰狀態。但無論如何，四位仁兄都具有入球把握力，今戰對住“豆腐”防線嘅格蘭納達，係時候發揮本色。

    格蘭納達五場聯賽共失十一球，係目前西甲中失球最多的一隊，雖曾作客皇馬祇一球落敗，但唔代表防守穩健，祇係皇馬進攻欠運，今仗睇怕難再守得住大門。

    推介：華倫西亞3:0