德軍“蘭”贏兩球

歐洲國家盃明晨繼續戰火烽煙，其中D組上演榜首之戰，德國主場迎戰波蘭。身為世界盃冠軍嘅德國，首循環作客慘吞波蘭兩蛋，簡直顏面何存，呢個奇恥大辱，德軍今戰非報不可。

不過，波蘭六戰取得四勝兩和未輸過，仲攻入二十球僅失三球居榜首，又可以贏到德國兩球，證明波蘭並非泛泛之輩。德國即使今仗報到仇，相信亦未必能夠輕鬆取勝。初盤德國硬讓球半，好大機會都係贏波輸盤。

德國近三場外圍賽都可以輕取對手，攻入十三球兼一球不失，但考慮到兩支對手都係傳統弱旅，贏唔到的話，世界冠軍真係浪得虛名。至於近三仗主場，就與愛爾蘭及澳洲打和，上一次主場更被美國打敗。今場波，真係唔睇好德國可以將對手殺個片甲不留。

由德甲射手利雲度斯基領軍嘅波蘭，千祈唔可以睇小。除效力多蒙特嘅比薛斯克、西維爾嘅基祖維克及阿積士前鋒米歷外，陣中仍有多名深藏不露嘅好波之人。德國要贏波？如果踢唔出八成功力，都幾難可以擊倒波蘭。

推介：德國2:1