紐記主場打爆“廠”

英超三輪過後，只有曼城係長勝軍，一枝獨秀暫列榜首。兩支倫敦大會，車路士與阿仙奴只得勝和負各一，排到第九及第十位置。當然，只係啱啱開始，大把時間迎頭趕上。不過，倫敦雙雄都要步步為營，不能再大意失分。

今晚英超早場，阿仙奴就要“北上”作客紐卡素，以球隊開季三場表現，唔排除有失分可能。紐卡素雖然仍未打開勝利門，但上場聯賽對住曼聯守得相當成功，聯賽盃更大斬諾咸頓，無論士氣與信心都增強，今晚主場對兵工廠，“紐記”大有機會全取三分。初盤阿仙奴硬讓一球，紐卡素值得一博。

“紐記”今季引入四名新兵，韋拿度姆、文古魯、泰奧雲及米度域四名國腳級球員都相當實際，戰鬥力明顯大大提升。雖則阿仙奴近七次對“紐記”都取得全勝，但今仗如輕視對手的話隨時中招。阿仙奴上仗與利物浦激戰成和，場波叫做唔贏冇運，唔輸好彩，但始終未能踢出季前熱身賽氣勢，作客情況下根本毫無優勢可言，仲要贏兩球先有着數，認真唔划算。

推介：紐卡素1:0