聖日門“利”字當頭

衛冕法甲聯賽冠軍嘅超級豪門巴黎聖日門，開季順風順水取得兩連勝，近十五場比賽，“大巴黎”更係十四勝一和，真係唔知個“輸”字點寫，法甲王者地位誰能代替。聖日門明晨再度強勢出征，作客蒙彼利埃，即使有首席射手伊巴謙莫域因傷缺陣，仍有足夠火力擊倒對手。

蒙彼利埃本身實力唔差，法甲之中比上不足比下有餘，惜頭兩場聯賽都係輸波收場，狀態不足兼士氣低沉，今仗對住班霸聖日門，但求能在主場止住頺勢，避免三連敗，望搶得一分得一分。初盤巴黎聖日門硬讓一球，捧“大巴黎”絕對有“利”可圖。

聖日門今季繼續招兵買馬，簽入“天使”迪馬利亞，法國中場史譚保利及象牙海岸國腳奧利亞，三線實力有增無減。“老伊”有傷未踢得，“天使”都係兩睇落唔落場都未知，不過，有南美三人組嘅卡雲尼、拿維斯及盧卡斯，足以攻破對手防線。

蒙彼利埃首戰主場不敵升班馬昂熱，跟住又輸埋畀雷恩，兩場比賽完全不在比賽狀態，想“急彈”都難。

推介：巴黎聖日門2:0