曼城拉“布”戰

英超首輪最後一場戰事，將於明晨三時上演，上季下游球隊西布朗主場迎戰曼城。

同以往一樣，以西布朗人腳要爭前列位置，實在較為困難，最主要以護級為目標，所以每場比賽都要盡全力去搶分。首仗就要對住上季亞軍曼城，西布朗如果能夠全取三分的話，可以話叫做爆大冷。今場唯有借助主場之利，兼對手人腳不整，要保住一分亦絕非冇可能性。

由於陣中多名主力缺陣，曼城季前熱身賽戰績差強人意，六戰三勝一和兩負，所贏對手只係多倫多FC、墨爾本城及越南三支實力不足為患球隊。上場對住德甲中游分子史特加，更以二比四大敗。值得檢討係近四場比賽共失十一球，防線成為最大隱憂。開鑼戰依然欠缺多名大將，阿古路、大衛施華及拿斯尼抱病在身，迪米捷利斯、費南甸奴與沙巴列達又遲歸隊，未必能夠趕及上陣，前中後三線實力明顯大打折扣。主帥柏歴連尼獲球會續約算係好消息，但要旗開得勝並非容易。初盤曼城讓一球，捧西布朗可以摸和。

推介：和波1:1