防线崩溃点打硬仗
踏入2019年冇耐，英超即迎来关乎争标关键嘅榜首大战，「3哥」曼城喺主场挑战榜首利物浦。曼城上月接连失分，近5场输足3场，防线全面崩溃，现时已落后「红军」7分之多，今晚主场对住气势如虹、联赛仍保不败金身嘅利物浦，乐比认为主队让唔起，建议捧1.78倍让球客胜！
（Now 621周五凌晨4时直播）
曼城上季以破纪录嘅100分封王，今季季初本来都顺风顺水，但去年底忽然跌晒Watt，尤其防线频频出现甩漏，喺各项赛事已连续10场都有失波，快车期间不敌李斯特城、水晶宫都输得难睇，前线固然冇季初咁锐利，更致命嘅系防线近乎「放题任做」，两闸丹尼路雷斯及戴尔夫甩漏甚多，中场防守大将费兰甸奴受伤期间完全冇人代替到佢，可见曼城唔系全无破绽。
形势大好利记飢渴感超强
事实上，英超近年竞争异常激烈，自曼联2009年勇夺3连冠后，近9季都冇一队能够卫冕成功，曼城经过去年巅峰加上世界盃洗礼，状态滑落属正常现象，反观利物浦上季痛失欧联冠军后，全队都化悲愤为力量，睇得出球员嘅飢渴感超强，如今联赛形势大好，相信冇咁易放虎归山畀曼城追番上嚟，今季佢的对Big 6成绩优异，踢左6场录得3胜3和不败佳绩，今场要全身而退唔系难事。
沙拿对「蓝月」例有货交
利物浦近期愈战愈勇，全面开火，上仗「3叉戟」发威下大炒阿仙奴5个1皮相当轻鬆，穆罕默德沙拿近期状态火热，近6场射入7球，值得留意系佢对曼城表现特别抢镜，近4次对曼城贡献3个入球同2次助攻，今场势必成为「蓝月」心腹大患，以曼城近期防线嘅演出，守到沙拿都未必顶得住沙迪奥文尼及罗拔图法明奴等其他红军射手，让球客胜好路之馀，建议可同时向大波胆埋手。