比利时大火力破冰

今晚欧国联A2组重头戏，榜首比利时主场迎战冰岛。比利时箭头卢卡古刚告伤愈，预计可以复出攻坚，「渣古」踢亲国家队特别醒神，加上有夏萨特及梅顿斯等好波之人支援，火力强劲，面对一蹶不振嘅冰岛，主胜得1.1倍冇乜肉食下，转捧中位数2.5球嘅大盘更佳。
（有线604及603台周五凌晨3时45分直播）

「渣古」踢国家队变番战神
比利时喺今夏获得世盃季军后，状态持续勇锐，近4战取得3胜1和，包括欧国联小组2战全胜。岩岩好番嘅箭头卢卡古，虽然喺曼联表现低迷，畀球迷笑佢系「卢渣古」，但转战国家队就变番「入球机器」，近4场为「欧洲红魔」披甲入5粒，配合王牌夏萨特、韦素以及射手梅顿斯，比利时近5仗合共入左12粒，全部都系先开纪录，火力唔讲得笑。

冰岛近6场5负狂失17粒，当中有5场更系先失波嗰队，无复神奇队球本色，难怪头3场欧国联输晒排包尾，首循环冰岛主场对比利时都惨吞3蛋，今次作客更凶多吉少，不过佢的近两场国际赛总算入到波，锋力未至太曳。比利时依家打少1场下同瑞士同得6分，今场只要赢波就可甩开对手，既然主胜赔率偏热，转捧大盘仲好。