富明尼斯留力南球盃
由於國際賽關係，周中受注賽事唔多，好彩仲有巴甲開快車唔怕大家悶親，今日阿King重心推介係彭美拉斯讓球主勝，加埋華斯高半和及利斯菲體育會主W，3串1有7.1倍，希望幫到大家搵餐晏仔。

先講今日重心彭美拉斯主場鬥富明尼斯；榜首彭美拉斯現時領先次席國際體育會5分，聯賽剩餘5輪，爭標形勢大好，彭美拉斯係目前巴甲入波最多同失球最少球隊，無論攻守都有一定水準，如果最終能夠封王，稱得上係實至名歸。富明尼斯位列中游，可以講係高不成、低不就，最重要係富明尼斯已經殺入南球盃4強，首回合落後帕拉尼恩斯0比2，次回合非勝不可，相比之下聯賽自然冇咁睇重。睇番富明尼斯對上5場聯賽唔單止3度落敗，而且近4場作客3次輸波都唔止輸1粒，進取啲博彭美拉斯讓球主勝。

華斯高勁旺半場和
至於華斯高主場鬥帕拉尼恩斯；華斯高仍需搶分護級，不過佢哋實力一般，入局較慢，近7場聯賽全部開出半場和，對住近期需要兼顧南球盃戰線、一周三賽嘅帕拉尼恩斯，捧半場和啱數。最後一關係護級搶分大戰，第16位嘅利斯菲體育會主場鬥第18位嘅維多利亞。利斯菲只比維多利亞多2分，今場贏波就可拉開至5分差距，護級前途更加一片光明；維多利亞作客腳軟，近10場作客只得1勝2和7負，其中6場冇波入，造訪戰意十足嘅利斯菲料凶多吉少，主勝值博。