祖记火猛上盘博得过

今晚深夜意甲开快车，开季5战全胜嘅「1哥」祖云达斯主场斗博洛尼亚。祖记王牌C朗摸熟意甲风格后，脚风愈嚟愈顺，近2仗就轰入3粒，今场面对实力一般嘅博洛尼亚，「老妇人」擸3分已经系基本要求，分分钟又上演「大屠杀」，让球盘让2球照捧祖云达斯1.85倍上盘！

（Now 638周四凌晨3时直播）
C朗喺日前FIFA颁奖礼度输左畀前皇家马德里队友莫迪历，呢位葡萄牙球星不嬲好胜心强，连颁奖典礼都唔畀面出席，就知佢对结果几咁失望。不过C朗出晒名唔轻易服输，继前一轮射入加盟祖记嘅首个意甲入波，仲喺该仗梅开二度后，上仗联赛对住费辛隆尼再有斩获，帮「老妇人」全取3分，联赛开咧至今保持全胜姿态，睇嚟C朗已经适应意甲嘅比赛节奏，加上有极速上位嘅意大利攻击好手贝拿迪斯治做输送，配合季初脚风甚顺嘅文迪苏杰等人，祖云达斯火力够晒惊人。

博洛尼亚大将停赛
博洛尼亚实力欠奉，开咧表现亦「油麻地」，近两仗作客未赢过之馀1球都入唔到，可见反击能力令人堪忧，今仗更有中场大将艾历普尔加坐波监，作客超晒班嘅祖云达斯，只能祈求减少失波数字，1.85倍上盘绝对系不二之选。