贺芬咸曼城早场驳火
12年嚟欧联首次免费直播

苦等12年，香港球迷终于可以免费睇欧联！今晚欧联F组分组赛，德甲球队贺芬咸主场挑战英超班霸曼城，除左两大收费电视外，免费频道奇妙电视77台亦有得播，而且系早场，唔使捱到半夜至开波，球迷睇完至瞓，听朝都应该够精神返工喎！基于贺芬咸攻强守弱，曼城非胜不可，今场推介2.04倍嘅中位数3.5球大盘。

（奇妙电视77台、Now 643、有线662及602台周三凌晨零时55分直播）
呢场波唔只球迷等得耐，贺芬咸等得更耐，系佢的球会史上首次喺主场踢欧联分组赛，呢班波冇乜大牌球星，最大牌嗰个系喺德国炙手可热嘅31岁少帅拿高斯文，佢上轮分组赛对萨克达已经刷新左欧联分组赛史上最年轻教练纪录，贺芬咸结果作客以2比2逼和对手，表现并唔失礼。拿高斯文自2016年二月执教贺芬咸以来，表现同成绩都远超预期，佢教埋今季就会转会RB莱比锡，讲明为贺芬咸踢好今届欧联系主要目标之一，佢的上轮分组赛前嘅联赛已经输过畀杜塞尔多夫，上周末亦喺主场输埋畀莱比锡，摆明留力搏今仗。

曼城首轮输完作客焗攻
曼城上周末主场击败白礼顿，以得失球差力压利物浦升上英超榜首，睇番过程亦明显为今仗有所保留，事实上唔到领队哥迪奥拿唔肉紧，佢的喺分组赛首仗竟然主场输左畀法甲里昂，而且哥帅一直被嘲踢唔掂欧联，自从2011年带领拥有全盛时期美斯、沙维同恩尼斯达组合嘅梦幻巴塞捧盃后，之后无论带领巴塞、拜仁同曼城，都系世界最顶尖劲旅，但就一直未能再染指锦标，今仗作客德国焗住抢攻不胜无归。

曼城牌面当然高出唔只一班，不过贺芬咸少帅拿高斯文向来擅打老虎，佢的前季对班霸拜仁1胜1和，上季主场亦以两球赢过拜仁，球队向来擅攻不擅守，今晚史上首次硬撼曼城必定打醒精神同对手驳火，大盘咪错过。