今日除咗歐聯，亞洲同南美洲一樣有盃賽，而且全部有得睇直播，整番條過關睇波都唔錯。亞冠盃4強次回合水原藍翼對鹿島鹿角，水原藍翼首回合落後2比3，今場雙方為咗殺入決賽都唔會保留，從首回合戰情見到佢哋一開波就攻，今場2.5球入球大好路。

（Now 670、Fox+周三晚6時直播）

水原藍翼自2011年之後，相隔7年再度殺入4強，當年亞冠仲未分開東亞及西亞，所有球隊撈亂踢；藍翼當年兩回合計以1比2不敵艾薩德，未能進身決賽。至於鹿島鹿角亦是同年創亞冠近年最佳成績，但16強遭同樣來自南韓嘅FC首爾淘汰出局，依家佢哋領先，當然想保持優勢殺入決賽，但由於首回合失咗2個作客入波，藍翼只要入1球鹿角就玩完，相信今場係對攻局面，預先買條過關之餘，到時見到入咗第1球，仲可以即時走地追大添。

小保加讓唔起彭美拉斯
至於朝早有南美球會盃同南美自由盃，先講南球盃8強首回合富明尼斯對蒙特維多國民隊，富明尼斯今屆3場南球盃主場全勝兼冇失波；烏拉圭球隊蒙特維多作客例腳軟，捧主勝。（有線622及602台周四早上6時30分直播）最後自由盃4強首回合小保加對彭美拉斯，彭美拉斯今屆5場自由盃作客全勝，包括於分組賽贏過今場對手小保加，受讓值博。

（有線622及602台周四早上8時45分直播）