歐聯早場B組燕豪芬對熱刺，除咗同組有巴塞隆拿之外，兩軍教頭都同巴塞隆拿呢個地方有啲淵源，PSV教練雲邦美喺2005/06年效力巴塞隆拿，而熱刺領隊普捷天奴就效力同市球隊愛斯賓奴。當年聯賽兩循環巴塞都贏波，首循環雲邦美後備入替，而普捷天奴只坐冷板，次循環二人更雙雙沒有進入大軍名單添。被問起當年事，普捷天奴話冇乜印象喺球場見過雲邦美，但就讚對方當年已經係出名球星，依家亦係好教練，所以提醒球員要留意燕豪芬強大主場威力。

（Now 643、有線662及602台周四凌晨零時55分直播）