富咸跌Watt唔够砌
今轮英超压轴战上演「伦敦打吡」，热刺主场迎战富咸。近期热刺状态可谓锐不可当，加上今场赢波就可以重返榜首，斗心不容置疑，而且今场佢哋遇着私房菜富咸，近10次交手热刺法定时间8胜2和，富咸近乎无还手余地，热刺让一球放心捧上盘。（Now 621周二凌晨3时更多分析浏览华体网直播）
热刺今季由澳洲主帅普斯迪高路接手後，球队表现愈战愈勇，如果今场可以全取3分，热刺将累积23分，就可以打破1992年诺域治领队米克获加，以及2009年希丁克接手车路士後所创，个人首9场英超赛事取得22分嘅最高得分纪录。

孙兴民弗爆共入6球
其实要达成目标应该唔难，热刺队长孙兴民勇态持续，已经射入6球，成为球队首席射手，喺後边支援佢嘅占士麦迪臣同李察利臣亦交到货，今季英超取得6胜2和，只系输过1场，仲要唔系法定时间内输，喺今年8月英联盃第2圈，热刺90分钟同对手踢成1比1，互射12码被淘汰出局，无巧不成话，淘汰佢哋嘅正系今场对手富咸，热刺当然想报仇啦。

富咸今夏有阿历山大米祖域离队，整体实力跌Watt，现时排喺中游已经算有交代。可惜斗热刺系佢哋嘅死穴，唔计上次英联盃，对上9次富咸斗热刺只得1和8负，完全无得斗，加上热刺今季唔使分心欧洲赛，全力冲击英超，今场3分肯定袋袋平安，上盘好路。