今晚欧霸盃A组赛事，德甲球队弗赖堡主场斗英超韦斯咸。两队小组首轮都旗开得胜，同样力争连捷。「文章摘自华体网锤仔帮」喺莫耶斯执教下愈战愈勇，踢欧洲赛更加得心应手，以佢哋嘅信心同士气，有力反客为主，客胜值得捧场。（Now 643周五凌晨零时45分直播）

弗赖堡後防多甩漏

韦斯咸挟上届欧协联冠军威势，欧霸分组赛首仗3比1击败FKTSC，对上16场欧洲赛拎到15胜1和嘅超强战绩，球员喺捧盃过程累积唔少经验同信心，而且卢卡斯柏基达、查洛保云及禾特普斯等进攻球员弗到漏，近4场比赛录3胜，各方面都信得过。

弗赖堡今季开咧表现飘忽，依家喺德甲暂排中游位置，而且後防有唔少甩漏，上轮对住奥林比亚高斯两度领先下都被追和，最终惊险绝杀赢波。佢哋对上5场正式比赛失咗11粒，面对气势强劲嘅韦斯咸恐难以招架，客胜属明智之选。