欧联B组焦点战，阿仙奴主场硬撼燕豪芬。阿仙奴事隔6届重返欧联舞台，第一击梗系唔想失威，但嚟紧有北伦敦打吡，今仗随时见好即收，近年出战欧洲赛坚保守，加上对亲燕豪芬例少交收，3.5球嘅入球细更可取。（Now 644周四凌晨3时直播）

自从2016至17年度球季後，阿仙奴连「抢4狂魔」之名都保唔住，连续6届未能参加欧联，近年只能沦为欧霸常客，虽然上季争英超冠军失败屈居亚军，但亦攞到今届欧联入场券呢份「安慰奖」，今仗当然相当重视。不过要留意，阿仙奴近5仗4胜1和睇落唔错，但其中3仗仅胜1粒，上仗有翼锋加比尔马天尼利伤出，箭头加比尔捷西斯伤愈冇耐未弗，尼基sportscn.com迪亚勤力有余把握力一般，呢5仗只入9球，进攻火力麻麻。

燕豪芬附加赛未受考验
另边厢，燕豪芬於国内联赛频演入球骚，之前喺欧联附加赛淘汰格拉斯哥流浪，两回合入咗7粒，但与对手偏弱有关，嚟到分组赛先系考验，首轮仲要造访呢组实力最强嘅阿仙奴，唔敢轻举妄动。翻查纪录，阿仙奴近6仗欧洲赛有5次开3球或以下，包括上届欧霸分组赛两斗今仗对手燕豪芬，非常保守，加上嚟紧周日联赛要火并北伦敦死敌热刺，今仗都系点到即止，唔慌多波入。