今季仲未打开胜利之门嘅车路士，今晚凌晨将会迎战新升班球队卢顿，两队实力上有一定差距，「蓝战士」为求尽快打响胜鼓，今仗必定火力全开，预期会压住卢顿狂攻，兵微将寡嘅卢顿防守力弱难以招架，开3.5球入球大机会高唱入云。
（Now 621及611周六凌晨3时直播）

车路士头两轮只系得1和1负，不过喺领队普捷天奴带领下，球队控制比赛能力有明显提升，两场联赛都系占上风嘅一队，只要加强把握力就可以提升成绩，最重要系两大攻击手尼高拉斯积逊同史达宁状态劲弗，主场出击有望扭转颓势。

近两次对升班球队多波入
不过，喺韦斯利科芬拿、列斯占士接连重伤下，车路士嘅防守亦未见稳阵，上场就出现唔少犯错，被韦斯咸轰入3球，新加盟嘅摩西斯卡些度未融入，表现成疑。车路士对升班球队例抢攻，失球危机会进一步提升，佢哋近两次联赛对升班球队，总入球都开4球或以上。

卢顿防守弱顶唔住
卢顿因为主场重建仍未启用，上轮联赛更被迫延期，佢哋喺开咧战作客白礼顿即惨败1比4，证明球队战斗力同英超有颇大距离，阵脚未稳下造访史丹福桥球场，随时成为「入球骚」嘅箭靶，一於捧3.5球入球大。