盃赛失威搵不来梅出气
新一季德甲今晚开锣，揭幕战由云达不来梅主场火并衞冕嘅拜仁慕尼黑。不来梅sportscn.com一向重攻轻守，啱啱德盃出局有办你睇；拜仁喺哈利卡尼来投下失落德超盃，谷住一肚火，势搵不来梅发泄，加上佢哋近季首轮例演大骚，3.5球入球大属不二之选。
（周六凌晨2时30分开赛）
不来梅坐拥上季联赛金靴得主富克洛，进攻有番咁上下，可惜佢哋防守坚系曳，唔单止季前热身赛经常大手交易，上周德盃首圈作客面对「鱼腩」科隆域陀尼亚，两度领先之下，竟然畀对手反胜3比2。当然关键系不来梅初段已有守将艾莫斯派柏领红被逐，大部分时间打少个捱唔到尾，不过球队唔识防守嘅问题始终未解决。
哈利卡尼要骚哥利
拜仁身负衞冕重任，成功签入心头好哈利卡尼，配合原有嘅甘美治、穆斯亚拿及汤马士梅拿等人，实力冠绝德甲，点知上周德超盃对住RB莱比锡，呢支连续11季称霸联赛嘅劲旅居然净吞3蛋，失盃兼冇面，连主帅杜曹都自嘲球队表现好似4星期冇练波咁款，确系不能接受，今晚揭幕战必定醒醒定定，氹番球迷欢心。
睇番拜仁近4季嘅德甲首战，有3次开4球或以上，今仗必定当不来梅系出气袋，新加盟嘅哈利卡尼亦要趁机骚哥利，不过首席门将纽亚仲要抖，又未搵到新龙，後防不稳下宁愿以攻代守，大盘咪错过。
