听朝焦点热身赛，AC米兰喺美国火并巴塞隆拿。两队近期热身赛都多波入，可谓大盘客恩物，今仗入球唔慌少，加上双方近4次交手，3次半场开2球或以上，1.5球嘅半场大属信心之选。（HOY TV 77台周三早上11时直播）

热身赛同样开放

巴塞上仗热身赛「国家打吡」大炒宿敌皇家马德里3比0，士气梗系高昂，不过防守唔系想像中咁好，只因皇马多次中楣中柱，巴塞先可以保持不失，连同前仗对阿仙奴输3比5，连续两仗演入球骚，估计主帅沙维今场会继续坚持开放足球，火力全开同对手斗攻。

Ａ米今次美国之旅头两站录得1和1负，包括首仗对皇马，喺领先两粒下倒输2比3，上仗对祖云达斯亦踢成2比2，之後互射12码败阵，两场同样大手交易。前锋拉菲尔利亚奥仲未开斋，新加盟嘅基斯甸普列锡亦要争取表现，对住巴塞入波肯定唔会少，既然两队以往交锋旺半场大，不妨再追。