今晚上演德附次回合，德乙季军汉堡返主场再斗德甲尾3嘅史特加。汉堡首回合大败之余，更赔了夫人又折兵，焗攻随时中门大开，面对反击锐利嘅史特加，不妨再追2.5球入球大。（周二凌晨2时45分开赛）

汉堡今季再次虎头蛇尾，搞到要踢附加赛争升班，日前出战首回合明显唔够班，开波冇耐即失守，详细看华体网下半场再失两粒，中场安斯苏贺尼後备入替一阵，就极速领红牌被逐，今仗要坐波监，实力弱上加弱。汉堡形势上至少要赢番3球先有价讲，但要佢哋主攻，随时令後防暴露更多空位，单计主场，汉堡近4仗入14粒，攻力强劲，不过呢4仗场场有失波，证明防守唔多稳阵，但系依家焗攻，亦唔顾得咁多。

史特加连续11仗有波入
史特加首回合表现出色，虽然古拉斯曾射失12码，但佢将功补过，同马夫洛柏路斯、华格路文各建一功赢波，波拿苏沙亦交出两个助攻，打出主帅施巴斯坦汉尼斯赛前部署，延续近年附加赛德甲队克死乙组仔嘅传统。事实上史特加季尾攻力回升，连同首回合在内，各项赛事近11仗都有波入，依家佢哋有3球在手，可以趁汉堡空群而出，睇准机会打快速反击，相信今仗会再演入球骚，2.5球入球大不容错过。