西甲煞科日，焦点落喺护级战场，6队之中有1队唔好彩会降班，排尾4嘅切尔达将会主场迎战出炉西甲冠军巴塞隆拿。形势上切尔达今场赢波即上岸，如果失分就要望天打卦，不过佢哋并唔系冇机会，事关巴塞夺冠後表现放松，近4仗上演入球骚，全开3球或以上，预计今场两队会斗攻，2.5球入球大有计。（周一凌晨3时开赛）

西甲护级形势混乱，除咗艾尔切同爱斯宾奴笃定降班，18位嘅华拉度列到13位嘅卡迪斯，6队积分在2分之内，现时最有危机嘅当然系华拉度列，输波即降，但切尔达排17位，仅比华拉度列多1分，危险系数高企，煞科战对手就算系巴塞隆拿，都要放手一搏抢攻入波。

巴塞今季表现平稳，有一大段时间靠严密防守，然後小胜1比0攞分，不过自从夺冠後风格大变，改为同对手斗攻，近4仗2胜2负，包括ｓｐｏｒｔｓｃｎ．ｃｏｍ输畀皇家苏斯达同华拉度列，全开3球或以上，今场对住搏老命嘅切尔达，相信入球唔会少。