英超争标去到入直路阶段，榜首曼城虽然稍占上风，但佢哋仲要兼顾欧联战线，无论体能消耗同心理压力都较大，余下4轮咪话冇暗涌；次席阿仙奴打多一场及落後1分，得番3轮要赢晒之余，仲要望「蓝月亮」犯错失分，争冠先有价讲。今晚双雄分途出击，睇下会唔会有惊人赛果出现。

曼城有後顾细盘冇甩拖
力争「三冠王」嘅曼城今轮作客爱华顿，「蓝月亮」联赛掌握争标主动权，不过球队有欧联後顾，加上爱华顿回勇，今场未必可予取予携。「拖肥糖」首循环曾经令曼城失分，估计曼城今场会踢得相对谨慎，双方近3次交手全开3球或以下，捧3.5球入球细更为明智。（Now 621及611周日晚9时直播）

系人都知欧联一直系曼城追逐嘅目标，佢哋上周中欧联4强首回合作客皇马踢成1比sportscn.com1，决赛资格悬而未决，今晚返联赛作客爱华顿随时留有一手。其实睇番斗皇马一役，主帅哥迪奥拿90分钟都冇换过人，摆明会用两套唔同人选踢英超同欧联。事实上佢哋领先阿仙奴1分兼踢少一场，仲有失分空间，预计上场欧联主力球员，有部分会於今晚休息，留力欧联次回合搏杀。

爱华顿打起信心
爱华顿上轮联赛踢出代表作，作客5比1大炒白礼顿，护级露出一线曙光。虽然今场斗曼城唔可以乱咁攻，但球员打起信心，主场想抢分并非天方夜谭。「拖肥糖」首循环曾逼和曼城1比1，「蓝月亮」有後顾下，爱华顿更有望力守城池，双方近3次对碰总入球全开3球或以下，推介大家玩入球细。