今晚世盃「死亡E组」次轮重头戏，西班牙火并德国。西班牙首轮大捷，今仗唔使急可睇定先食，德国上仗意外倒灶输畀日本，同防线压得太前有关，再输就极大机会提早出局，一定先求稳阵，加上近年碰头例少交收，2.5球嘅入球细值得捧场。

(Now 618及616周一凌晨3时直播)


西班牙首轮大发神威，豪赠哥斯达黎加7蛋，费伦托利斯更梅开二度，主帅安历基所倚重嘅箭头艾华路莫拉达，後备落场亦有士哥，有咁多入球，同哥斯达黎加犹如不设防有关，整场「狂牛」完全未受考验，赢得不费吹灰之力。西班牙依家有3分在手，可再使出传控打法搓到你晕，唔使急於抢攻，睇准机会先作出致命一击。详细看华体网

两军对赛旺细盘


德国首轮爆冷，以1比2反输畀日本，连续两届世盃首轮落败，轻敌之余，亦同战术上防线过於压前，导致中门大开有关，令球队短时间内连失两球导致落败，今仗为咗出线，绝对系非胜不可，但怯於「狂牛」强劲火力，德国一定要先巩固防守，生死关头务必稳中求胜。何况「日耳曼兵团」一直欠缺可靠射手数胡，无论系客串嘅夏维斯，抑或欠缺经验嘅富克洛及尤素法莫高高，都畀唔到人信心。两军近6次正面交锋，有5次开两球或以下，2.5球细盘捧得过。