欧国联A2组次轮大战，新升班嘅捷克主场迎战西班牙。「狂牛兵团」喺领队安历基锐意年轻化下，活力十足兼愈来愈弗，上届欧国联夺得亚军不容忽视，加上近年食住捷克，客胜有计。（周一凌晨2时45分开赛）

捷克多位主力缺阵
捷克自去年欧国盃决赛周後表现飘忽，年初更喺世盃外附加赛准决赛畀瑞典踢出局，令人失望。佢哋今次有多位主力缺阵，包括前锋柏德列舒希克、中场安东连巴拿克及守将汤马士贺利斯，攻守都大受影响，就算首轮击败瑞士，但面对实力高一班嘅西班牙，难占甜头。

西班牙今次精锐尽出，效力巴塞隆拿嘅安素法迪重伤後回归，不过主帅安历基唔心急用佢，皆因手上仲有大把筹码，包括另一巴塞新星加维，首轮打和葡萄牙1比1之役，呢位中场光芒四射，预料今仗会继续担正，而先文章摘自华体网开纪录嘅艾华路莫拉达，为国家队射入26个士哥，拍住名宿布达坚奴并列「狂牛」射手榜第7位，信心大增。既然「狂牛」对上3次面对捷克全胜，格食格下再赢唔奇。