文章来源华体网华体网(sportscn.com)
近期演出「走样」嘅阿仙奴，今晚作客同样低迷嘅修咸顿。「兵工厂」力冲前4席位，已经冇乜失分空间，佢哋班球员质素远胜对手，有望大踢翻身波；「圣人」冇嘢好争似等紧收咧，斗心成疑，捧客胜稳阵。（Now 622周六晚10时直播）
修咸顿冇目标等收咧
阿仙奴原本喺前4争逐处於有利位置，但近期接连输畀水晶宫同白礼顿後形势逆转，依家踢少一场下落後热刺3分，嚟紧唔可以再失分。「兵工厂」近期因伤患问题变阵，影响球队发挥，不过佢哋就算输波，至少仲展现出顽强斗志，加上近6场联赛作客录5胜，有望及时反弹。
修咸顿系目前英超状态最曳球队之一，近6仗仅得1和5负，上轮狂吞车路士6蛋後主场已经4连败，球员喺冇明确目标下，斗心同士气都难有保证，今仗难阻急於抢分嘅阿仙奴。
