世盃盟主法国为备战年底决赛周，周六凌晨约战非洲球队科特迪瓦。法国领队迪甘斯点兵精锐尽出，明显非常重视今次练兵机会，一众国脚亦要为激烈嘅正选争逐而搏命，预料落场会施展浑身解数争胜。法国技高一筹兼有斗心，主场出击有望先发制人，半场主胜值博。（有线661及601台周六凌晨4时15分直播）

麦巴比同法国足总反面？

法国喺世盃外轻松出线，上年亦喺欧国联勇夺冠军，展示出超班实力。「高卢鸡」喺世盃决赛周展开前愈战愈勇，近5场国际赛全胜，而且全部都喺上半场领先，抢攻踢法成效显着。

法国国家队锋线竞争异常激烈，强如奥士文尼迪比利都冇份入选，今仗首获徵召嘅尼干古等当然要搏命展示实力，至於重返国家队嘅老将基奥特亦要「骚哥利」，加上基利安麦巴比、基沙文同保罗普巴等核心在阵，法国实力超班，今仗可望轻松取胜。

唯一担心ｓｐｏｒｔｓｃｎ．ｃｏｍ系有报道指基利安麦巴比近日同法国足总反面，话说法国国家队安排球员出席公开商业活动，不过呢位新世代球王拒绝出席，就连法国足总主席出面游说都「冇面畀」。传媒推测麦巴比之所以拒绝，系因为觉得出席某部分品牌宣传活动，会影响自己嘅道德形象，所以唔想同有关品牌扯上关系。但亦有报道认为，麦巴比正为个人前途问题而烦恼，加上近来PSG分别喺欧联及联赛连番失利，因此想减低曝光率，避免遭媒体同球迷批评。不过点都好，要佢喺科特迪瓦身上入波，的确难度不大。

科特迪瓦喺非国盃16强出局，表现强差人意，主力前锋尼高拉斯比比喺球会上阵机会唔多，状态成疑。另一尖刀、效力英超水晶宫嘅韦费特沙夏，原来喺国家队已经接近两年半冇入过波，今仗要挑战法国防线有极大难度。科特迪瓦状态低迷，作客出战相信连上半场都顶唔住，捧半场主胜最好路。