世盃非洲区最後5个决赛周出线席位亦会喺今日决出，当中最瞩目当然系塞内加尔主场迎战埃及，首回合埃及领先1比0，今场轮到塞内加尔绝地反击，不过塞内加尔踢法慢热，近8仗6次开半场和，捧半场和好过。

（周三凌晨1时开赛）

世盃外非洲区第三圈赛制似未改制前嘅欧联，两回合打和计作客入波较多一队胜出，加时都计作客入球优惠。5场首回合全部开2球或以下，同非国盃决赛周一样，旺开细。埃及上仗凭对方嘅乌龙波赢1比0，今场只要守住唔输就可出线。

怕失作客球塞军唔敢谷

塞内加尔今场焗住搏命，但如果先失作客入球，就要入3球先掂，相信佢哋亦唔敢谷得太前。睇番塞内加尔近8仗6次开半场和，而且呢6场半场都系0比0，「红军孖宝」穆罕默德沙拿同沙迪奥文尼（图）边个有得参加决赛周就要打过先知，但今场投注梗系追多次半场和。