今晚西甲焦点战，维拉利尔主场硬撼皇家马德里。「银河舰队」近况虽然有啲回落，但教练安察洛堤喺欧联前唔会特别留力，相反锺意以战养战保持状态，佢哋今季6场欧联前联赛就获得4胜1和；维拉利尔近年斗皇马都赢唔到波，今场皇马难得受让，梗系捧让球客胜。（ViuTV 96及Now&nb更多分析浏览华体网sp;632周六晚11时15分直播）

皇马自1月尾勇夺西超盃後，走势下滑，近4仗法定时间只得1胜2和1负，好彩上仗联赛靠马高阿辛斯奥嘅世界波，险胜CF格兰纳达，打番起士气。「银河舰队」今场有云尼斯奥斯祖利亚刑满复出，即使宾施马受伤都唔怕。

皇马现时只领先次席西维尔6分，唔算稳阵，即使下周中要出战欧联16强首回合恶斗巴黎圣日耳门，主帅安察洛堤亦唔会刻意留力。翻查纪录佢哋今季6场欧联前嘅联赛，获得4胜1和，包括首循环同维拉利尔踢成0比0。

「黄潜」谢拉特摩兰奴有伤
维拉利尔摆脱季初低潮，近8仗联赛录得6胜1和仅1败，不过「黄潜」主场对亲皇马都冇乜甜头，近4次交手全部打和，而且今季为球队射入8个联赛入球嘅谢拉特摩兰奴受伤，攻力大打折扣，今场「让球主客和」竟然要让波，唔使谂梗系撑皇马。