文章来源华体网华体网(sportscn.com) 今晚英格兰足总盃第4圈上演多场赛事，焦点对决由英超「一哥」曼城主场硬撼英冠榜首富咸。曼城一向以攻力强劲见称，就算喺国内盃赛遇弱亦唔会揸流摊，今场对战英冠最强火力嘅富咸，随时火花四溅，中位数3.5球嘅入球大更值得捧场。（周六晚11时开赛）

曼城主帅哥迪奥拿向来崇尚进攻，喺国内盃赛面对弱旅，仍以狮子搏兔之势迎敌，近3次英足盃面对非英超球队赢晒之余，更轰入10球，全开总入球4球或以上，包括上圈大胜史云顿4比1。曼城该仗并非全派副选出击，奇云迪布尼、根度简、贝拿度施华及加比尔捷西斯等主力都有上阵，可见「蓝月亮」相当重视英足盃。值得留意系曼城呢3仗英足盃都未能保持清白之身，证明佢哋唔怕失波，贯彻「进攻就系最佳防守」嘅理念。

富咸28场联赛入74球
另一边厢，富咸主帅马高施华同样以攻代守，箭头阿历山大米祖域喺联赛已有28球进帐，中场哈利威尔逊更交出10个助攻，翼锋艾云卡华利路因表现出色，喺冬窗已同利物浦倾掂转会费，只因赶唔切完成手续致交易告吹，但获得「红军」赏识，证明佢系有料之人。难怪富咸今季28仗联赛狂轰74球，冠绝英冠之余，仲比入球第2多嘅布力般流浪多29球，非常夸张。富咸单计近5仗入23粒，今仗预计系斗攻格局，3.5球嘅入球大咪错过。