C组另一场科摩罗对加蓬。科摩罗首次出席国际大赛，踢法上自然以防守为主；效力阿摘自sportscn.com仙奴嘅加蓬队长奥巴美扬因确诊缺阵，加上佢哋近5场非国盃决赛周全开半场和，好路再追。（Now 639周二凌晨3时直播）
科摩罗究竟喺边，相信好多球迷都唔知，呢个国家其实唔喺非洲大陆，系位於非洲东海岸外嘅一个岛国，主要领土系3个火山岛，仲有啲细岛屿。「科摩罗」个名本身来自阿拉伯语，意思系月亮，所以科摩罗嘅国旗上面有月亮标志。
科摩罗2005年先加入国际足协，佢哋喺外围赛6战得2胜3和1负，成绩仅次於埃及，成功力压肯尼亚及多哥两支劲旅，历史性杀入非国盃决赛周。科摩罗球员主要效力法国低组别联赛，中场灵魂尤素夫麦查加马现效力法乙甘冈，初度亮相决赛周但求唔好做「三零部队」，首战必屯重兵喺後防，希望攞到第1分。
奥巴美扬染疫加蓬削攻力
加蓬今次系第8度征战非国盃，首席球星当然系奥巴美扬，佢为国家队上阵71次入29球，表现举足轻重。不过呢位加蓬队长今季表现回落，英超仅入4球，对上一次入波已经系10月底，其後因纪律欠佳被禠夺队长位置兼雪藏，现时更因染疫缺阵，预料加蓬都系老鼠拉龟，半场未必咬得入对手，捧半场和。
