欢迎来到足球图库!
当前位置:主页 > 太阳报 >
些路迪勢炒馬瑟韋爾
时间:2020-08-30 17:30   来源:足球图库
歐聯出局成肚火
周日晚另一場蘇超焦點戰,衞冕冠軍些路迪主場迎戰馬瑟韋爾。馬瑟韋爾實力本已差幾班,而且仲要應付歐洲賽,對近況低迷嘅球隊嚟講可謂百上加斤;些路迪啱啱喺歐聯外圍賽羞家被淘汰,谷埋一肚火要盡情發洩,佢哋近5次對賽唔單止贏晒,當中有4次淨勝3球或以上,讓二球照捧讓球主勝。

(周日晚10時開賽)

力爭聯賽10連霸嘅些路迪,今季除保留法國前鋒奧辛尼艾度亞迪及蘇格蘭土炮利治格菲斯外,更由英超韋斯咸引入瑞士攻擊手艾比安阿積迪,此子於上仗聯賽射入加盟後首個士哥,協助些路迪以1比0擊敗登地聯,開季3戰2勝1和,走勢唔錯,可惜佢哋上周中喺歐聯外圍賽第2圈主場輸畀匈牙利球隊費倫斯華路士,連續3屆喺歐聯外圍賽被淘汰,損失巨額收入,今場返回聯賽自然要搵對手發洩。

馬瑟韋爾聯賽未開齋
馬瑟韋爾上場喺歐洲賽表現剛好相反,主場出擊以5比1大勝北愛代表格蘭杜蘭,不過對手級數完全未夠班,贏得冇乜說服力,而且佢哋今季踢咗5場聯賽仲未開齋,當中4場食白果,無論攻守都有好大問題。馬瑟韋爾近5次對些路迪加埋共失18球,有4次輸3球或以上,今次遇啱對手剛剛輸波、致力要打翻身仗,馬瑟韋爾注定唔好彩。
上一篇:摩佬學韓文同孫興民溝通     下一篇:FC橫濱櫻花開入球騷