留力季後賽唔同你急
今日有場澳職獨腳戲，由威靈頓鳳凰喺中立場迎戰布里斯班獅吼。兩隊同樣穩奪季後賽資格，3哥鳳凰僅以2分領先獅吼，為免被反咬連第3位都保唔住，今場多數會穩陣行先，以免「貪勝不知輸」，加上佢哋復賽後4仗有3次開出半場和，再追可也。

（myTV Gold 302、Now 639、有線655及615周三下午4時直播）

3哥威靈頓鳳凰雖然仲有機會爭聯賽次名，不過佢哋近期狀態麻麻，復賽後4仗只得1勝1和2負成績。教練烏福達雷喺緊密賽程下，更曾經大幅輪換收起主力，明顯留力季後賽搏殺，上輪10人應戰下以0比1不敵西悉尼流浪者，係佢哋近10場聯賽首次未能取得入球。

威靈頓鳳凰復賽後踢法保守，尤其上半場每每以不失波為大前提，過去4場聯賽有3次半場踢成0比0，今場唔會有大轉變。

獅吼狀態麻麻
獅吼今季有驚喜演出，暫時排聯賽第4位，落後第2位嘅墨爾本城5分，想搶得亞軍獲取季後賽首圈輪空嘅優勢，機會其實唔大，加上排後面嘅珀斯光輝同阿德萊德聯等球隊都有機會過佢頭，今場面對強敵鳳凰亦唔會輕言搶攻。事實上，獅吼復賽後2仗1勝1負，狀態同樣平平無奇，上半場先踢穩陣波機會高，一於博半場和。