另一場較早開波嘅意甲由阿特蘭大主場火併博洛尼亞。阿特蘭大上場聯賽雖被維羅納逼和1比1，不過單計主場佢哋復賽後5戰全勝，先後擊敗拉素、拿玻里等強隊，而且阿特蘭大今季34場聯賽轟入94球，創下咗意甲近69年單季入球最多紀錄，3大射手路爾斯梅利爾、杜雲沙柏達（圖）及伊利錫合共轟入50球，得分點甚多，令對手防線難以招架。

博洛尼亞上半場多士哥
博洛尼亞上場作客AC米蘭大敗1比5，近4場聯賽2和2負，位列中游等收咧，不過佢哋對上7場聯賽都有入波，唔係一味死守唔攻，而且連同停擺前聯賽，博洛尼亞近7場聯賽作客有5次上半場開2球或以上，呢場除咗捧入球大，1.5球半場大亦絕對抵博。（myTV Gold 301、Now 638、有線654及614台周三凌晨1時30分直播）