周三凌晨另一場英超重頭戲，今季奇兵錫菲聯主場迎戰「2哥」曼城。曼城雖被榜首利物浦甩開，但火力之強仍冠絕英超，而且佢哋作客出擊例必搶韁，今場客W太熱冇肉食，轉捧半場客勝。（Now 622周三凌晨3時30分直播）

曼城上場被水晶宮逼和2比2再失2分，目前已被利物浦拋離16分兼且打多1場，爭取聯賽3連冠機會非常渺茫。曼城今季最大問題係防線，前線表現絕對冇走樣，球隊今季23場聯賽攻入64球，不但冠絕全英超，而且比榜首利物浦入多12球，火力相當驚人。射手阿古路繼早前聯賽對阿士東維拉連中三元，以177球超越亨利成為英超外援士哥王，上場對水晶宮亦係靠佢個人入2球，一度反先對手，加上馬列斯及奇雲迪布尼近期亦有好表現，得分點夠多，令對手防不勝防。

近5作客半場全領先
新升班嘅錫菲聯憑堅固防守今季穩步上揚，現排聯賽榜第7位已超乎預期，不過佢哋遇強即屈，除咗聯賽兩負利物浦，首循環鬥曼城、李斯特城都輸波，遇着剛剛失分嘅曼城未必頂得住對手。考慮到曼城今場客W太熱，以佢哋後防表現讓一球、球半上盤又有風險，既然曼城近5場作客全部都能夠半場領先對手，加埋入咗12球，錫菲聯上場對Big6之一嘅阿仙奴都係半場已落後，今場轉捧半場客勝更佳。