意甲榜首祖雲達斯今晚主場鬥萊切，由於拉素同國米昨晨齊齊失分，祖記贏波即可擴大優勢；萊切今季鬥強隊唔怯場，作客前5球隊全部大手交易，捧3.5球大盤啱數。

（周六凌晨3時45分開賽）

萊切踢法不設防
祖記早前喺兩場意大利盃法定時間都食白果，好彩上場回歸意甲終於打破入球荒，C朗及保羅戴巴拿都取得士哥，其中戴巴拿喺意盃決賽12碼宴客，連累球隊失冠，入波絕對有助提升信心。由於拉素昨晨作客不敵阿特蘭大，祖記今場贏波就拋甩7分，爭取聯賽9連霸前途可謂一片光明。

萊切目前喺聯賽榜排尾3，護級形勢水深火熱，佢哋今季最大問題係不設防，上輪主場以1比4大敗於AC米蘭腳下，連停擺前3場聯賽加埋失咗15球，就算作客前列球隊同樣唔會守，好似今季作客拉素輸2比4、對國米及羅馬同樣吞4蛋，對阿特蘭大就輸1比3，每場最少有4球交收，今晚對住祖記入波唔會少，3.5球大盤值捧。