今晚英超曼聯主場迎戰錫菲聯，兩隊都要為歐洲賽資格而戰。「紅魔鬼」復賽後首仗作客1比1逼和熱刺，保羅普巴復出交到貨，主場對住上輪慘敗嘅錫菲聯，曼聯讓球主勝值得捧場！

（Now 621周四凌晨1時直播）

曼聯現時落後第4位嘅車路士5分，爭前4不容再失，好在球隊傷疲盡起，拉舒福特、保羅普巴等主力喺疫情過後悉數復出，尤其普巴上場後備入替，即時激活曼聯嘅攻擊力。況且曼聯近3場主場賽事都贏2球或以上，包括停擺前一仗2比0擊敗曼城，奧脫福出擊有保證。

錫菲聯門神未能倒戈
錫菲聯今季靠超強防守踢出驚喜成績，不過佢哋今場有門神甸恩軒達臣因借將條例未能倒戈，大大削弱防線穩健性，而且上輪作客紐卡素慘吞3蛋，顯示球隊未在狀態，今場面對決心十足嘅曼聯凶多吉少。