搶分戰盡情駁火
意甲上演「大駁火」，阿特蘭大主場迎戰拉素，兩軍係今季意甲攻擊力最強嘅球隊，以往碰頭亦經常大手交易，雙方近7次聯賽對賽，就有5次總入球達3球或以上，加上拉素要搶分爭標，預料作客都會照攻，今場首選中位數2.5球嘅入球大。

（周四凌晨3時45分開賽）

阿特蘭大上季異軍突起，難得今季水準仍得以保持，特別係阿特蘭大鋒力之強，令傳統大球會亦望塵莫及；球隊喺意甲重開後首場，立即以4比1擊敗薩斯索羅，球員已經上晒力。再睇埋佢哋今季曾以7比1大勝烏甸尼斯、贏拖連奴7比0，以及7比2擊潰萊切，火力非常誇張。況且阿特蘭大目前仍要力爭聯賽前4位，以換取下屆歐聯入場券，戰意肯定爆燈，今場勢必沿用主攻踢法搶分。

至於聯賽排名第2嘅拉素正在同榜首祖雲達斯爭奪聯賽錦標，絕對冇失分空間，預期即使作客亦會繼續以攻代守。拉素王牌射手恩莫比尼今季表現大勇，入球絕對有保證。同埋拉素今季聯賽首循環，喺落後3球劣勢下，最終都可以追和阿特蘭大3比3，鬥志頑強，雙方今次再度交鋒，隨時又合演入球騷，2.5球大盤要得過。

國米主場有「薩」氣
同晚另一場意甲，「3哥」國際米蘭主場鬥薩斯索羅。國米陣中兩位星級射手盧卡古、拿達路馬天尼斯上場意甲都有入波，腳風唔錯，中場基斯甸艾歷臣繼意大利盃入波之後，上場意甲亦交出助攻，呢個進攻鐵三角威力強大，主場出擊可望有更佳發揮。對手薩斯索羅上場慘敗，後衞馬隆山度士今場仲要停賽，令球隊雪上加霜，今場作客隨時又大敗一場，直取國際米蘭讓球主勝。

（周四凌晨1時30分開賽）