德乙榜首比勒費爾德主場迎戰奧斯納貝克。比勒費爾德領先2哥史特加6分，形勢大好，而且佢哋對上4場聯賽主場全勝兼冇失波，主Ｗ固然可作重心之選，如果求好分不妨捧埋半場主勝。

（on.cc東網周日晚7時30分直播）

比勒費爾德今季聯賽得球及失球數字都係德乙最佳，長期保持上佳狀態。佢哋歇冬後7場聯賽5勝2和未輸過，2場和波對手分別係主場特醒嘅史特加及奧厄，作客失分情有可原，而且單計主場已經4連勝兼零失球，就算閉門作賽影響亦不大。佢哋雖然都要搞減薪，但照同一啲主力傾續約，目前士氣依然維持得唔錯。

奧斯納貝克防線多甩漏
奧斯納貝克走勢剛好相反，歇冬後聯賽7戰未贏過，後防狂失16球更加冇眼睇。首循環碰頭奧斯納貝克主場都輸0比1，作客更難搶分。睇番佢哋今季12場聯賽作客半場從未試過領先，單計半場成績為5和7負，近5場就有4次半場落後，今場除捧1.62倍主Ｗ，2.2倍半場主勝亦可一試。