墨城一向重攻輕守，而且客場出擊分外進取，近9場聯賽作客共入19球，單係陣中首席射手占美麥卡倫就有8球進帳，甚至比喺主場嘅7粒更多，仲有格力洛尼、阿祖安隆拿都有一定入波能力，難怪客場士哥僅次於榜首FC悉尼。不過墨城谷得太前，難免影響防守，喺呢9場作客就失咗17粒，只得1場保持清白之身，其中有8場開3球或以上，今仗造訪聯賽主場失波最多（20球）嘅水手，勢必以攻代守。