智利甲組聯賽前列大戰古里高聯對卡拉雷聯；對上3季都排名從未高過第6位嘅古里高聯，今季「守出一片天」，以防守搶分，現時排聯賽第3，今場與同分嘅卡拉雷聯對碰，相信繼續以「泊大巴」戰術同對手周旋，佢哋近5場聯賽全部同對手互交白卷，一於追半場和。

（周二早上7時30分開賽、馬會網上文字直播）

古里高聯可說係今季表現最驚喜球隊，只落後傳統勁旅天主教大學3分，僅因得失球不及卡拉雷聯排第3，佢哋明知自己攻力唔好，所以靠防守先穩住後防，跟住作出致命一擊，球隊7戰5勝1和1和，入7球失6球，平均每場入1球、失0.85球，今場主場出擊，面對近況不俗嘅卡拉雷聯，估計都唔會冒進。

踢法穩健吼埋細盤
卡拉雷聯喺智甲保持良好表現，上輪主場以2比0擊敗哥甘保，近4場聯賽3勝1和保持不敗，球隊今季失球數字同古里高聯一樣，表現亦相當穩健。古里高聯同卡拉雷聯近況都好，加上彼此踢法相若，而且雙方都唔想喺對方身上失分，估計今場賽事場面會比較拉鋸，睇番古里高聯近5場半場全部同對手互交白卷，再追半場和啱數，有興趣可以玩少少2.5球入球細，隨時有雙重驚喜。