FC坦波夫同森馬拉可謂咁高咁大，除咗得失球有輕微差異，聯賽成績完全一樣，今場主客和亦接近均水，勢均力敵。但係由入球、失球分布時段觀察，坦波夫個2.01倍第一隊入球，非常抵博。

得出咁嘅結論，原因在於坦波夫算係喜歡搶攻，今季前30分鐘就射入6球。反而森馬拉係開波初段例牌懵盛盛嗰種，同時段失咗成10球，以上數據正好反映出兩軍心態上嘅唔同，值得留意。

呢場平手盤唔博得6.5倍無入球咩？唔係唔得，係唔好。因為由2015年9月起，雙方聯賽、盃賽交手6次，未試過開0比0戰果，無謂拗頸吖。