恶「狼」遇作客虫
英超狼队主场斗诺域治；狼队上周中于欧霸32强首回合大胜爱斯宾奴4比0，晋级坐定粒六，嚟紧次回合唔使点留力；诺域治係今季联赛作客成绩最差球队，狼队3分应该冇甩拖，让一球上盘坐走望赢。（Now 622周日晚10时直播）

狼队近7场联赛只获1胜3和3负，表面睇成绩麻麻，不过佢哋对手全部唔嘢少，包括两斗利物浦、联赛榜3哥李斯特城及「红魔鬼」曼联，所以成绩唔完全反映狼队近况及实力。事实上，狼队啱啱喺欧霸32强首回合主场大派西甲代表爱斯宾奴4蛋，捱过4场主场不胜后终于赢波，而且呢场大胜令佢哋进身16强机会高唱入云，嚟紧周五凌晨举行嘅次回合可以睇定嚟食，今场毋须刻意留力。

诺域治客场入波单位数
未计周六晚比赛，排包尾嘅诺域治落后尾4、身处护级安全线嘅阿士东维拉7分，形势水深火热，抢分刻不容缓，不过佢哋今季13场作客联赛只得1胜3和9负，唔单止係作客联赛成绩最差球队，而且目前为止客场入波只得6个，係唯一一支作客入球单位数嘅球队，想抢分恐怕有心无力。狼队近3次斗诺域治2胜1和，包括今季首循环喺落后1球劣势下，连追2球反胜2比1，主场出击优势更明显，狼队让一球撑上盘。