伦敦双雄佗空枪交锋
今晚英超早场上演伦敦打吡战，车路士主场对热刺。两队近期战绩低沉，都同缺少主力射手有关，热刺冇咗哈利卡尼同孙兴民固然影响重大，另一边厢车仔射手谭美阿巴谦都受伤患困扰，今场关乎前四之争两队踢法必谨慎，建议捧2.5/3球入球细。

（Now 621及611周六晚8时30分直播）

星期一车路士对曼联时，笔者已指出车仔目前问题所在，毕竟年轻人表现起伏不定，处理逆境嘅能力较差，导致踏入下半季球队面临信心危机，愈踢愈差，睇番近14场联赛，车仔从未试过有连胜纪录，若非竞争对手不断失分，车仔前四席位早已不保。

普列锡受伤蓝战士进攻冇板斧
车仔除咗输经验，亦同前线基斯甸普列锡同谭美阿巴谦受伤有关，普列锡喺适应咗球队踢法后，去年10、11月一度大爆发射入5球，但佢受伤后「蓝战士」冇咗一位具灵气嘅球员，进攻上变得较为单调，阿巴谦早前喺对李斯特城嘅赛事受伤后，上场对曼联本谂住打止痛针上阵，但最终都係放弃，据讲今场上阵机会都係五五波，就算踢到都肯定唔係最佳状态，加上尼高路简迪同另一新星赫臣奥杜尔都有伤，车仔可谓雪上加霜。

至于热刺情况似乎较车仔更坏，虽然佢哋联赛取得3连胜，但周中欧联刚不敌RB莱比锡，见到球员疲态毕露，乐比真係想同佢哋讲句：「畀啲挣扎！」由于热刺兵源係Big 6之中最薄弱，冇咗哈利卡尼同孙兴民两位入球主力，前线火力大减，连领队摩连奴都话球队就好似带咗支冇子弹嘅空枪上战场一样。

不过最令人担心嘅係迪利阿里上场被换出后，怒掟水樽发洩，有人担心摩连奴同球员嘅关係出现问题，毕竟摩帅近年无论教边间球会都出现类似嘅新闻，既然两队都唔喺最佳状态，今场捧细係最佳选择。