荷乙周五上演「首尾大戰」，由榜首球隊鹿特丹斯巴達（圖）迎戰包尾的烏德勒支青年隊，由於荷乙球隊實力分野頗大，而鹿特丹又有前鋒韋迪維積克「着晒火」，就算「讓球主客和」要[-2]，都照捧「主勝」。

 
鹿特丹斯巴達上季在荷甲只得尾二，結果今季要返回荷乙競逐，而部份主力如後衞查波特及雲摩素等離隊，但球隊借得車路士後衞達保，又引入了中場奧亞沙亞等，因此，實力未算削弱，加上射手韋迪維積克今季在聯賽已有10球進賬，因此球隊目前在聯賽以27分領導群雄。在周五迎烏德勒支青年隊時，斯巴達雖有前鋒穆罕默德雷希上陣成疑，但其餘主力均可以候命，絕對可以看好。

烏德勒支青年隊實力與斯巴達有距離，加上由於烏德勒支已在荷甲角逐，就算青年隊有好表現，亦無法升班，因此，好幾支荷甲球隊的青年隊在荷乙都表現麻麻。今訪斯巴達斯，烏德勒支青年隊雖有後衞祖利亞雲達維頓刑滿復出，但球隊今季聯賽作客只得一和五負，六場更全部失兩球或以上，今役受讓也難靠。
文：吾中