西甲攻略︰皇馬[-3]炒硬格蘭

皇家馬德里自西甲首戰和波後，連同歐聯三連勝兼轟入15球，基斯坦奴朗拿度（C朗）更大勇，周六主場對CF格蘭納達，料可繼續大屠殺，[-3]仍照取「主勝」。（球賽編號：星期六26；now632台今日10:00pm直播）
皇馬前鋒C朗經過季初入球荒後，國際賽歸隊後重新出發，近兩仗累積轟入八球，氣勢一時無兩，球隊也連續三仗大勝。
 C朗復任左翼更具威力
雖然周中歐聯大勝薩克達四球後，威爾斯國腳加里夫巴利受傷，料與另一攻中占士洛迪古斯及右翼衞丹尼路雷斯缺陣，不過貴為今夏西甲標王之一，克羅地亞攻中高華錫已融入球隊，特別皇馬中場線同樣有另一克國國腳莫迪歷，兩人合作無間。而賓施馬復出後，原本任正箭頭的C朗，則墮後回老本行任左翼，威力絕不遜色，加上球隊連續兩場主場出擊，球員沒有舟車勞頓之苦，可期再一次大勝。
 
上季兩勝格軍轟13球
賓尼迪斯今季接手皇馬，初期不受「銀河艦隊」球迷受戴。皆因賓帥作風保守，傾向防守為先，回看皇馬開季至今，四戰仍保不失，創球會紀錄。球迷應理解防守之重要性；雖然皇馬收購曼聯門將迪基亞「臨門撻Q」，不過由哥斯達黎加門將基羅拿華斯把關亦沒有問題。另外，皇馬一對中堅沙治奧拉莫斯及華拉尼在上仗歐聯先後傷出，沙治奧拉莫斯今仗缺陣；幸華拉尼傷勢較輕，今仗可望復出。皇馬上季兩回合均大勝格軍，並攻入13球之多，周六可望再展大屠殺。
格蘭納達開季三戰一勝兩負，從榜尾基達菲身上全取三分未算突出成績，惟對維拉利爾及伊巴兩支中游球隊輸波之餘，更均失三球，後防不穩；中後場如基斯坦奴比拉基、大衛朗班等只是其他球會棄將，實力平平，予人拉雜成軍之感，今仗作客巴拿比奴恐難逃大敗。