意甲今晚的獨腳戲，由兩隊比上不足、比下有餘的中游隊拖連奴主場鬥阿特蘭大，兩軍同樣屬實而不華類型，較擅長踢下風波，反而佔主導時就難以言勝，今仗大有機會合演一場悶戰，中位數[2.5球]「細」盤穩開。（球賽編號：星期六79；無綫myTV Super302台明日3:45am直播）

 
意甲今季大部份球隊都頗有特色，拖連奴與阿特蘭大屬於同類型的「豬頭骨」類別，面對前列球隊不時炮製驚喜賽果，但鬥實力較差的球隊反而失準。從賽績看來兩隊同樣韌力十足，拖連奴近四輪意甲得一勝三和，而阿特蘭大各賽事近九戰亦只曾兩度落敗。
而且，拖連奴射手兼隊長比洛迪自從傷癒復出後陷入球荒，近六輪有份上陣的意甲一球不入，連帶麥巴耶尼安等輔鋒都欠表現，所以球隊近期只靠守搶分，近三輪聯賽全和兼全部開「細」。

 
至於有參戰歐霸的阿特蘭大近期防守稍失色，不過同樣因為攻力欠銳而入球少，[2.5球]計近三輪意甲皆開「細」，連周一面對包尾的「魚腩」賓尼雲圖也僅勝1:0，可見意大利國腳左翼衛史賓亞蘇拿、後衞安祖亞馬斯路的缺陣影響不低，預計這兩支實力及近況皆相若的球隊交手，「細」在必行。

文：飛鴻