祖雲達斯有射手希古恩（圖）回勇，在周二歐聯D組作客士砵亭時只要勝出就極大機會晉級，戰意毋庸置疑；「老婦人」少讓平/半，捧上盤。（球賽編號：星期二5；有線62及202台明日2:45am直播）

 
祖記近況不俗，近四場全勝兼場場入超過一球，阿根廷前鋒希古恩更明顯回勇，上場勝AC米蘭2:0一役包辦兩球，配合保羅戴巴拿及基迪拉等，就算作客亦勝望濃。畢竟，祖記目前在D組以三戰得六分，落後榜首巴塞隆拿三分，今役只要勝出而巴塞鬥包尾的奧林比亞高斯又起碼保不敗，祖記就可提早出線，球員定搏命。

以三分在D組列第三的士砵亭若要保住出線希望，今役非勝不可，只是球隊的實力一般，後衞馬菲奧及中場阿倫雷斯等料缺陣，受讓亦難看好。

B組方面，些路迪迎拜仁慕尼黑時當然希望製造爆冷戰果，以保出線希望；雖然拜仁實力遠勝些路迪，但球隊今季銳氣削減，今役又要作客，不妨博些路迪可頂住半場，博[半和]。
些路迪目前在B組以三戰得三分排第三，落後榜首巴黎聖日耳門及次席的拜仁六分及三分。

球隊雖有攻擊球員如穆沙迪比利等腳風順，但後衞如祖斯蒙歷及安東尼拉斯頓等上陣成疑，料難全身而退，幸球員鬥志不俗，半場料可頂得住。拜仁今役缺湯馬士梅拿及列貝利等，羅拔利雲度夫斯基又在上場德甲受傷，今戰不會上陣，故拜仁未必可在半場領先。

文：吾中