西盃攻略：撐巴塞「大」起艾拉維斯

西盃周六在馬德里卡達朗球場上演決賽，巴塞隆拿為免再失錦標，就算有前鋒蘇亞雷斯停賽，仍料強攻艾拉維斯，但考慮巴塞起用副選門將施利臣，艾軍近期入球量亦高，巴塞縱大勝也難以避免失球，取「大細」中位數[3.5球]「大」。

巴塞上季成西甲及西盃雙料冠軍，今季已衞冕西甲失敗，西盃已是挽回面子的最後機會，加上今場是安歷基最後一場領軍，總希望封王告別；巴塞「MSN」三叉戟今仗有阿蘇停賽，幸美斯大勇，在最後六仗西甲轟入八球。
不過巴塞近期防線不穩，聯賽煞科戰迎伊巴也一度落後0:2，而在西盃也慣以施利臣把關，此子季初聯賽對艾拉維斯時有上陣，但就失掉兩球，加上沙治羅拔圖缺陣及馬斯真蘭奴上陣成疑，巴塞今仗難保清白。
論牌面，艾拉維斯當然難比巴塞，不過球隊季尾近七場不敗，前鋒迪華臣及魯賓蘇利奴等近況亦勇。就算次循環主場對巴塞曾吞六蛋，但球隊近況不錯，有力攻破巴塞，「入球大」可捧。
賽制：若90分鐘打成平手需加時，如加時再和，則互射12碼決勝。